اهلا مارك. احنا مبسوطين اوي و متحمسين ان انت معانا النهارده ممكن تقدم نفسك لقُرائنا. كمان ممكن تقولنا ازاي اتعلمت اللغه القبطيه.

شكرا اوي لدعوتي النهارده. انا مارك بباوي. ٢١ سنه. انا بدرس رياضه و كمبيوتر( تكنولوجيا المعلومات) في جامعه أمستردام. بجانب الدراسه, انا كمان بشتغل في الجامعه. انا بدي ندوات علميه عن الكمبيوتر و تكنولوجيا المعلومات.

 بابايا و مامتي مصريين , علشان كده انا  عارف اللغه المصريه لاني اتربيت عليها . مش بس كده, كمان الكنيسه ليها دور كبير اوي في حياتي . في الكنيسه, جزء كبير من صلاه القداس باللغه القبطيه . و بالتالي, انا اتعلمت شويه عن اللغه القبطيه و المصريه.

شكرا ليك. طيب بخصوص اللغة القبطيه, تقدر تتكلمها

مع الأسف, لا . اللغة القبطيه لغه مش دارجه , علشان كده انا مبتكلمهاش. انا عارف بس معني  شويه كلمات من اللي بتتقال في الصلاة في الكنيسه.

  طيب , تقدر تقرأه 

 ايوه , ممكن اقرأه . معظم الأبجدية القبطية  بتتكون من حروف يونانية. و كمان فيه حروف تأنيه اضافت.

 و بالتالي, أي واحد ممكن يشوف اللغة القبطية امتداد او فرع من الأبجدية اليونانية.

لما كنت في المدرسة الثانوية, كنت باخد ماده عن اللغة اليونانية القديمة. في السنه الاولي, اتعلمت الأبجدية اليونانية. مع الوقت, بقيت اقدر اقرأ الأبجدية اليونانية.  في الكنيسة, أحيانا بنصلي بالقبطي . الصلوات مكتوبه باللغة القبطيه. حاولت اقرا بس لحظت الحروف اليونانيه و الحروف اللي مش يونانيه. في الاخر ,  اتعلمت  الحروف اللي مش يونانيه  و بالتالي اقدر أقول اني بعرف اقرا اللغه القبطيه 

دي حاجه مثيره للاهتمام فعلا, خاصه لما تفكر انو الدروس اللي انت اخدتها في ماده اللغه اليونانيه القديمه ساعدتك شويه انك تقرا اللغه القبطيه.  ممكن تقولنا حاجه عن دينك و الكنيسه اللي انت بتروحها؟

  اكيد ! انا مسيحي . وزي ما انت عارف , اكبر تلت حركات( مذاهب) في الديانه المسيحيه هما ( الكاثوليك, البروستنت, و الأرثوذكس. انا بتبع الكنيسه الارثوذكسيه. الكنيسه ديه ليها أصول في مصر و رئيس الكنيسه هو بابا الفتيكان. الكنيسه الارثوذكسيه  اتاسست علي ايد القديس مرقص و اللي بنعتبره اول بابا فتيكان  و اللي كمان كتب واحد من الأربع اناجيل في الكتاب المقدس . بابا الفتيكان دلوقتي هو تواضرس التاني. و هو الاب ال ١١٨ للكنيسه الارثوذكسيه.

  طيب , انت بتروح الكنيسه هنا في هولندا ؟ ولو اه , انا عندي فضول اعرف ايه النشاطات اللي بتعملوها هناك.

 ايوه !  انا بروح كنيسه قبطيه في  منطقه أمستردام -نورد  اسمها  (هيليج ماجد ماريا كاثيدرال)  . اعتقد دلوقتي فيه تقريبا ١٥ كنيسه قبطيه ارثوذكسيه في هولندا  بما فيهم دير . علشان كده , فيه مصريين كتير دلوقتي بيروحوا الكنيسه . في الكنيسة, اثناء الصلوات , احنا بنتكلم هولندي , قبطي, و مصري. كمان عندنا نشاطات تانيه زي دراسه الانجيل و انشطه تانية خاصه بالأطفال . انا كمان بحب اساعد و أشارك في النشاطات ديه . مش بس كده, احنا كمان عندنا دروس في الكنيسه كل يوم الاحد بالاضافه لدروس في اللهجه المصريه و اللغه القبطيه .  مجتمع الكنيسه حلو و مشجع جدا . 

  طبعا شكله مكان حلو جدا . انا شايف ان ديه حاجه مثيره للاهتمام ان انت بتتكلم هولندي و قبطي و مصري في الكنيسه. ممكن تكلمنا اكتر عن الفروق و التشابهات بين  اللغه القبطيه و اللهجه المصريه ؟

 .طبعا. زي ما انا قولت, اللغة القبطية  هي امتداد او فرع للغه اليونانيه .زمان الناس في مصركانت بتتكلم اللغه القبطيه لما كانت إسكندرية مدينه يونانية. نتيجه تاثير اليونانين علي المصريين , اللغه القبطيه كانت بتستخدم لحد القرون اللي فاتت. 

 بعد كده, العرب غزوا مصر و جابوا معاهم اللغه العربيه اللي بعد كده بقت لغه مصر الاساسيه علشان مصربقت دوله اسلاميه. و مع الوقت , اللغه العربيه بقت بدل من اللغه القبطيه.

..  بالملخص المفيد , ممكن تقول ان اللهجه المصريه و اللغه القبطيه  لغتين مختلفين تماما . كمان شكل الحروف مختلف تمام عن بعض. الحروف في اللغه العربيه هي "الحروف الغريبه اللي عليها نقط" انما القبطي شبه الحروف اليونانيه فبالتالي الاتنين مختلفين تماما.

 طيب وازاي العامية المصرية مختلفة عن اللغة العربيه ؟.

 الاختلاف الأكبر النطق, بس برده  فيه اختلاف في الكلمات . من خلال تجربتي , اللغه العربيه هي لغه رسميه فبالتالي ممكن نقول ان العاميه المصريه هي نسخه مبسطه من اللغه العربيه . انا مبتكلمش عربي , فبالتالي انا بشوف انو صعب اني افهم العرب.  المصريين اللي عايشين في مصر بيدرسوا اللغه العربيه الفصحي في المدرسه لان الادب مكتوب بالفصحي. انا معتقدش ان فيه ادب باللهجة المصرية . الادب كله مكتوب بالفصحي . انا اتعلمت أتكلم العاميه المصري في البيت مع عيلتي و في الكنيسه مع صحابي. شخصيا , انا شايف ان العاميه المصري اسهل بكتير من الفصحي.

 حلو جدا . طيب , لو انا فاهمك صح , العامية المصرية هي  لغة كلامية بس الكتب و النصوص مكتوبه بالفصحي ما عادا النصوص الدينيه المسيحيه اللي مكتوبه باللغة القبطية .  

 بالتأكيد , الكتابات الدينيه مبقتش تتكتب باللغه القبطيه  . علي أساس ان الاقباط الحاليين ميقدروش يفهموا اللغة القبطية . لو انت اديت نص قبطي لواحد مسيحي , هو مش حيبقي عارف ايه اللي بيقرأه ده . قرايه النصوص  المسيحيه بتبقي  باللغه الهولنديه او بالترجمه المصريه  اللي معانا اثناء الصلاه و اللي بيخليني افهم النص القبطي الأصلي . اللغه القبطيه هي لغه مش دارجه , و بالتالي محدش بيتكلمها في أي مكان. استخدمنا للغه القبطيه في الكنيسه هو نفس استخدام اللاتيني في الكنيسة الكاثوليكيه . محدش بيتكلم اللغه القبطيه و اللاتينيه في أي مكان. احنا بنقرأ خليط بين اللغتين دول مع الترجمه  الخاصه بيهم.

 شكرا علي الشرح . انا حبيت المقارنة اللي انت عملتها اللغه القبطيه و اللغه اللاتينيه. و بالتالي , لو شخص حابب يتعلم اللغة القبطية , ايه هي احسن طريقه يبدا بيها علشان يتعلم ؟. عندك أي نصايح , او تعرف أي طريقه علشان حد يقدر يتعلم بيها اللغه القبطيه ؟

:ممكن أقول زياره كنيستنا لأننا بنقدم دروس في اللغة القبطية . انا كمان موخرا شفت     بالنسبة للغه القبطيه,

ان فيه كتب لتعليم اللغه القبطية (الابجديه , القواعد النحويه , و تراجم مختلفه , بس غالبا معظم الكلمات اللي بنستخدمها في  الصلوات و الطقوس في كنيستنا . 

  عظيم جدا ! هل عندك أي نصايح لقرائنا  اللي اول مره يتعرفوا علي اللغه القبطيه لأول مره ؟

ايوه ! انا بحب الترانيم( الموسيقي ) المسيحيه اوي .معظم الموسيقي المسيحيه بترمز للطقوس , بس بعيد عن كده , انا بحب نغمات الترانيم المسيحيه . انا عارف  انها مرتبطه بطقوس جمعه عيد الفصح ( اليوم اللي اتصلب فيه المسيح ) و اللي  بنحي فيه جزء من دفنه . في الجزء ده , احنا بنغني ترنيمه للنغمة واللي كانت بتستخدم عن طريق االمصريين القدماء وااللي كانوا بيحنطوا الفراعنه . دي معلومه مهمه عن الديانه المسيحيه، و اعتقد طريقه سهله للتعرف علي اللغه القبطيه.